Төсөлд 3.7 сая ам.доллар төсөвлөнө. Жилийн турш гүзээлзгэнэ тариалах Солонгосын технологийг Узбекистан улсад нэвтрүүлнэ гэж Хөдөө аж ахуйн яамны хэвлэлийн албанаас мэдээллээ. Энэ талаар Хөдөө аж ахуйн яам болон БНСУ-ын Хүнс, хөдөө аж ахуй, ойн аж ахуй, загас агнуурын салбарын боловсрол, сурталчилгаа, мэдээллийн алба (EPIS) хооронд гэрээ байгуулав. Уг төсөл нь 3.7 сая ам.доллараар үнэлэгдэх бөгөөд Өмнөд Солонгосын Засгийн газрын буцалтгүй тусламжийн хөрөнгөөр 2026 оны арванхоёрдугаар сар хүртэл хэрэгжих юм. Үүний тулд гүзээлзгэнэ тариалах нарны эрчим хүчээр ажилладаг хүлэмжийг Ташкентийн бүс нутгийн агро үйлчилгээний төвийн (AKIS) нутаг дэвсгэрт байрлах Юкоричирчик дүүрэгт барих болно. БНСУ-ын мэргэжилтнүүд суулгацын хүлэмж, сайн чанарын гүзээлзгэний суулгац ургуулах лабораторийг барьж, тохижуулна. Мөн уг төслийн хүрээнд Узбек гүзээлзгэнийг дотоод, гадаадын зах зээлд сурталчлах, брэнд болгоход дэмжлэг үзүүлэх юм. Өмнө нь Курсив Өмнөд Солонгос Узбекистаны хөдөө аж ахуйд дэвшилтэт технологи нэвтрүүлэхэд зориулж 21.4 сая ам.долларын буцалтгүй тусламж үзүүлнэ гэж бичжээ. Үүний тулд 2022-2026 онд АКИС-ийн нутаг дэвсгэрт сургалтын төвүүд нээгдэнэ.